Bisitariak, Azokan barrena abiatzen denean, Informazio / Orientazio arloarekin egiten du topo; arlo honetako teknikari eta laguntzako langileei bere egoera deskribatuz, bertan jaso ahal izango du, bere premien arabera, orotariko informazioa. Informazioari dagokionez, zehazki, Enpleguaren Azokari buruzko informazio orokorraz gain, bere egoerari hobekien egokitzen zaion informazioa jaso ahal izango du, Lanbideko informazio-zerbitzuak eskaintzen duen modu beretsuan.

Arlo honetan, halaber, zure lan-egoerarekin zerikusia duen guztiari buruzko Orientazioa eskain diezazukete horretarako “bereziki” antolatu den arloan, elkarrizketa pertsonalizatu baten bidez; edota, “Zure lanbideari buruzko guztia” izeneko standean gaur egun duzun lanbideari edo egingo zenukeenari buruzko guztiaz informa zaitezke. Arlo honen helburua, jarduera batez ere Euskal Enplegu Planaren xede diren kolektiboetara zuzenduko duelarik (lehen enpleguaren bila dabiltzan gazteak, epe luzeko langabeak, emakumeak, gizarteko bazterkeri arriskuan dauden pertsonak, minusbaliatasun fisikoa duten pertsonak eta etorkinak), eskatzen duten guztientzat gizarteratzeko edo enplegua hobetzeko ibilbidea ezartzea da.