Azokaren ibilbidea Informazio/Orientazio-arloan hasten da. Bertan, mota orotako informazioa jasoko duzu, lan-merkatuan zure egoera zein den kontuan izanda.
Arlo honetan, enplegurako beharrezko orientazioa jasotzeko aukera izango duzu, elkarrizketa pertsonalizatu baten bidez; edota lanbide bakoitzari buruz zehatz-mehatz informatzekoa, “Zure lanbideari buruzko guztia” standean. Arlo honen helburua da lan-munduratzeko edo zure enplegua hobetzeko ibilbide bat ezartzea.

Ondoren, Prestakuntza-arloa aurkituko duzu. Bertan, enplegura bideratutako prestakuntza-eskaintza barne hartzen da. Prestakuntzaren hiru atalak biltzen ditu: prestakuntza arautua, langabeei zuzendutako lanerako prestakuntza eta langile enplegatuentzako prestakuntza.

Azkenik, Erakusketaren oinarrizko ibilbidea Enplegu-arlora iristen da. Zerbitzu hauek biltzen ditu: bitartekotza, enpresak sortzea, enpresetako prestakuntza-praktikak, enplegurako tresnak, enpleguaren sustapena eta Lanbide.net. Gainera, edizio honen berrikuntza gisa, 20 bat enpresek zure curriculum vitaea jasotzeko eta pertsonala bildu eta hautatzeko bereziki gaitutako gune bat izango dute.
Horrez gain, Osalan-en (Laneko Segurtasun eta Osasunerako Euskal Erakundea) jarduerak ezagutu ahal izango dituzu.

Gune hau hainbat jarduera, prestakuntza-ekintzen erakustaldi, berrikuntza teknologiko, topaleku, etab. biltzeko gaitu da. Hona hemen edizio honetarako proposatzen dizkizugun gai batzuk: ostalaritza, automozioa, informatika, irudia eta soinua, artisautza, ile-apainketa, industria-patroigintza, administrazioa, etab.

Azokaren antolatzailea den Eusko Jaurlaritzako Justizia, Lan eta Gizarte Segurantza Sailaz gain, hiru foru-aldundiak eta Euskadiko Udalen Elkartea (EUDEL) izango dira Erakusketan, enpleguaren inguruko euren produktuak eta zerbitzuak zuri erakusteko.